TAKUMI ოსტატები

თითოეულ Takumi-ს სულ მცირე, მეოთხედი საუკუნის გამოცდილება აქვს მის სფეროში. ამ წლების განმავლობაში მათი თავდადებული სწავლის შედეგად, გამაოგნებელია მათი ღრმა და ფართო ცოდნა, ისეთივე შესანიშნავი, როგორიც მათი ინტუიცია.

ისინი მუდმივად ხვეწავენ საკუთარ საექსპერტო კვალიფიკაციას და ასევე უზიარებენ სხვებსაც. ჯგუფის ხელმძღვანელების თანამდებობაზე, ისინი იცავენ Lexus-ის ტრადიციებს და ხელს უწყობენ ახალ ტალანტებში ინოვაციური სულის განვითარებას, გადასცემენ მათ ფასეულ უნარ-ჩვევებს და პროცესებს და განუმარტავენ თითოეულ ასპექტს, რათა ყოველი Lexus-ი იყოს უნაკლო.

სანამ გახდებიან Takumi, კანდიდატებს მკაცრად აფასებენ მრავალი გზით. ერთ-ერთი ტესტი გამორჩეულად იაპონურია და სრულად შეეხება ადამიანის შეხების ძალას. ის კონცენტრირებულია ქაღალდის დაკეცვის ხელოვნებაზე - ორიგამიზე.

დამწყებ Takumi-ს სთხოვენ, გააკეთონ შედარებით მარტივი ორიგამის კატა. მაგრამ, მათ ეს მარტო ერთი - არადომინანტური ხელით უნდა გააკეთონ და მათი ქმნილება სრულად უნდა იყოს ფორმირებული და დასრულებული 90 წამში.

"Takumi" არის Lexus-ის ოსტატობის, უმაღლესი ხარისხის და დეტალების მიმართ ყურადღების მამოძრავებელი ძალა, თუმცა, სხვა ხელოსნებთან თანამშრომლობა ასევე მნიშვნელოვანი ნაწილია სრულყოფილებისკენ ჩვენი მისწრაფებისა. ჩვენ ვეძებთ შემოქმედებს, რომლებიც შთაგვაგონებენ მათი ხედვით და უნარებით, ხოლო ჩვენ გავუზიარებთ ჩვენს ფასეულობებს.

ასეთი თანამშრომლობა საშუალებას გვაძლევს შევთავაზოთ რადიკალურად უნიკალური მახასიათებლები Lexus-ის ავტომობილებში - შესანიშნავი ესთეტიკური მიღწევები, რომლებსაც სხვაგან ვერ ნახავთ. ხელმისაწვდომი მდიდრული ინტერიერი ლეგენდარული LS-ისთვის, ამის მაგალითს წარმოადგენს.