LC

Lexus-ის საფირმო წინა ცხაური კარგად ავსებს მსოფლიოში ერთ-ერთ ყველაზე კომპაქტურ მაშუქებს, ხოლო ძალზედ დაბალპროფილიანი წინა დაკიდების სისტემის წყალობით LC-ს გააჩნია გამორჩეული აეროდინამიკული ხუფი. უკანა მხარეს სახურავი ვიწროვდება ფართო თვლების თაღებს შორის, ხოლო უკანა მაშუქები, რომელიც შთაგონებულია რეაქტიული გამანადგურებლების ფორსაჟის კამერით, ავტომობილს სძენს ძლიერ დგომს.

LC Limited Edition ხელმისაწვდომია, როგორც შესანიშნავად რეაგირებადი LC 500 5.0 ლიტრიანი V8 ბენზინის ძრავითა და 10 სიჩქარიანი ავტომატური გადაცემათა კოლოფით; ასევე პიონერული LC 500h, რომელსაც გააჩნია მსოფლიოში პირველი ოთხდონიანი, მრავალსაფეხურიანი ჰიბრიდული სისტემა, რომელიც იმართება 3.5ლ V6 ბენზინის ძრავითა და მოწინავე ელექტრო ძრავით/გენერატორით.

საოცრად მტკიცე და ამავდროულად მსუბუქი, ნახშირბადის ბოჭკოთი გამაგრებული პლასტმასი გამოიყენება LC-ს სახურავისა და კარის ჩარჩოებისთვის. კარები, საბარგული და ხუფის პანელები დამზადებულია მსუბუქი ალუმინისგან, ძარის კარკასი კი - უაღრესად მაღალი სიმტკიცის ფოლადისგან.

LC-ს ერგონომიკული სალონი განიჭებთ თავდაჯერებულობას და საშუალებას გაძლევთ ისიამოვნოთ გაბედული მართვით. თვალის მოძრაობის და ყურადღების გაფანტვის შესამცირებლად, ყველა მნიშვნელოვანი ხელსაწყო და მონიტორი განთავსებულია მხედველობის არესთან ახლოს, როდესაც წინ გზას უყურებთ. თქვენ მიერ ხშირად გამოყენებადი ხელსაწყოები, როგორიც არის მართვის რეჟიმის შერჩევა, განთავსებულია საჭის გვერდით.

აღმოაჩინეთ LC-ში Takumi ოსტატების მიერ დამუშავებული ტყავი და გულდასმით შერჩეული მასალები; მაგნიუმის სიჩქარეების გადამრთველები საჭეზე, ალკანტარას მოპირკეთება კარზე და ტყავის, საუცხოოდ შესრულებული გადაცემათა კოლოფის ბერკეტი.

უბედური შემთხვევების პრევენციის კვლევების სფეროში ჩვენი ლიდერობის წყალობით, LC აღჭურვილია Lexus-ის უსაფრთხოების სისტემით Lexus Safety System +. ეს მოიცავს შეჯახების პრევენციის სისტემას ქვეითების ამოცნობის ფუნქციით; ზოლში მოძრაობის დამხმარე სისტემას, რაც გეხმარებათ კურსის შენარჩუნებაში; ავტომატურ შორ განათებას ღამით ხილვადობის გასაუმჯობესებლად და დინამიკურ რადარულ კრუიზ-კონტროლს, რომელიც არეგულირებს თქვენს სიჩქარეს წინმიმავალი ავტომობილის სიჩქარის შესაბამისად.