როგორც Lexus-ის, ასევე მსოფლიო კლასის ჩოგბურთის მახასიათებლებია: სიზუსტე, ეფექტურობა და სრულყოფილება. 2023 წლიდან, Lexus გახდა ATP ტურის და რამდენიმე ATP ტურნირის ოფიციალური საავტომობილო და პრემიუმ პარტნიორი, ქალთა საჩოგბურთო ასოციაციის (WTA) ტურნირების ორგანიზების მეშვეობით კი, აძლიერებს ქალთა ჩოგბურთის მხარდაჭერას. ასევე, Lexus გვევლინება ყველაზე ნიჭიერი სპორტსმენების პარტნიორად და მათ თავისი ბრენდის ელჩებადაც ირჩევს.
კორტებსა თუ ავტომობილში, ყველაფერს დეტალები წყვეტს. როდესაც მცირე დეტალზე ოფლს ღვრით, შეუმჩნეველ წვრილმანს საფუძვლიანად სწავლობთ და თითოეული დეტალის სრულყოფამდე უარს აცხადებთ შესვენებაზე, სწორედ მაშინ შეიგრძნობთ საოცარს. ჩვენი ახალი ATP Tour-ის სპონსორობის კამპანიის ფარგლებში შეიქმნა რამდენიმე გამორჩეული ვიდეო, სადაც ხაზგასმულია ის ფაქტი, რომ როდესაც დეტალებს განსაკუთრებულ ყურადღებას ვუთმობთ, საოცარი შედეგიც არ აყოვნებს.
ბოლო დროის უმაღლესი კლასის ჩოგბურთელი, რომელიც Lexus-ის ელჩი გახდა, არის ესპანელი პაულა ბადოსა. პაულა 2022 წელს ქალთა შორის ერთეულთა თანრიგის მსოფლიო რეიტინგში მეორე ადგილზე იყო, მას შემდეგ, რაც 2021 წელს ბელგრადში WTA-ს თავისი პირველი ტიტული მოიპოვა.
ქეითი ბოულტერი უმაღლესი კლასის ბრიტანელი ქალი ჩოგბურთელია. 2023 წელს, Lexus-ის ელჩის სტატუსის მიღების შემდეგ, ქეითიმ WTA-ს ერთეულთა თანრიგის სამი ტიტულიც მოიპოვა, მათ შორის ზედიზედ ორი გამარჯვება ნოტინგემის ღია პირველობასა და სან დიეგოში გამართულ WTA 500-ის ტურნირზე.
ალფი ჰიუიტი ეტლით მოსარგებლე მამაკაც ჩოგბურთელთა მსოფლიო რეიტინგში პირველ ადგილზეა. იგი ცნობილია თავისი მონდომებითა და მაღალი სულისკვეთებით. მას ერთეულთა და წყვილთა თანრიგებში არაერთხელ გაუმარჯვია, ხოლო ორ პარაოლიმპიურ თამაშზე ვერცხლისა და ბრინჯაოს მედლებიც მოიპოვა.
ალექსანდრ ბუბლიკი - გულშემატკივართა ფავორიტი, რომელიც ცნობილია თავისი ძლიერი მოწოდებითა და არაპროგნოზირებადი, ამავდროულად სახალისო სათამაშო სტილით. იგი ყაზახეთის საუკეთესო ჩოგბურთელი და მამაკაცთა ეროვნული ნაკრების ლიდერია. ბუბლიკი აქტიურად უჭერს მხარს ბავშვთა სპორტის განვითარებას მთელი ქვეყნის მასშტაბით.
ყაზახმა ჩოგბურთელმა ელენა რიბაკინამ მსოფლიო აღიარება 2022 წელს, უიმბლდონის ქალთა შორის ერთეულთა თანრიგის ტიტულის მოგებით მოიპოვა. ელენა, რომელიც ცნობილია ბურთის 200 კმ/სთ-ის სიჩქარით მოწოდების უნარით, თამამი სათამაშო სტილითა და მოედანზე მშვიდი ქცევით, 2023 წლის მსოფლიო რეიტინგში მესამე ჩოგანი იყო.
ATP-ის წყვილთა თანრიგის მსოფლიო რეიტინგში ჰარი ჰელიოვაარას მესამე ადგილი უკავია და უმაღლესი ტიტულებიც არაერთხელ მოუპოვებია, მათ შორის 2024 წელს უიმბლდონის მამაკაცთა შორის წყვილთა თანრიგში და 2025 წელს ავსტრალიის ღია პირველობაზე. 2025 წლიდან, მას შემდეგ, რაც Lexus-თან თანამშრომლობა დაიწყო, ჰარი Lexus NX-ის მფლობელიც გახდა.
2024 წელს, ახალბედა ნორვეგიელმა ჩოგბურთელმა ნიკოლაი ბუდკოვ კიერმა უიმბლდონის ახალგაზრდულ ტურნირში გაიმარჯვა, რის შედეგადაც იუნიორთა მსოფლიო რეიტინგში პირველი ადგილი დაიკავა. იმავე წელს ნიკოლაიმ მართვის მოწმობის გამოცდაც ჩააბარა და თავის ავტომობილად დაუყოვნებლივ Lexus RZ აირჩია.
ახალგაზრდა ჰოლანდიელი ჩოგბურთელი სტენ პუტი 2024 წლის უიმბლდონის 14 წლამდელთა ჩემპიონატის ნახევარფინალში გავიდა და ევროპის ჩოგბურთის პირველი კატეგორიის ორი ტურნირი მოიგო. მონდომება და მოედანზე ჭკვიანური მოქმედება სტენს დიდ მომავალს უწინასწარმეტყველებს.
ამ შთამბეჭდავი სერიების ფარგლებში, მოთამაშეებს სრულიად განსხვავებული გამოწვევები ელით. თვალი ადევნეთ თითოეული ეპიზოდის ყოველ მომენტს Youtube-ზე.
Lexus აფინანსებს ATP-ის და WTA-ს ღონისძიებების სერიას, რომელთა კულმინაციაც ოქტომბრის ATP 1000 Paris Masters და ნოემბრის Nitto ATP-ის საფინალო თამაშებზე იქნება.
ოფიციალური საავტომობილო პარტნიორის რანგში, თავისი სპონსორობით გამართული ყველა ღონისძიების ფარგლებში, Lexus-ის ვალდებულებაა ელექტრიფიცირებული ავტომობილების ავტოპარკით უზრუნველყოფა, რაც მოთამაშეებისა და პერსონალის გამორჩეულ კომფორტს უზრუნველყოფს.
იმისთვის, რომ გაიგოთ მეტი Lexus-სა და ATP Tour-ს შორის პარტნიორობის შესახებ, გაეცანით პრეს-რელიზს ქვემოთ. გაიგეთ მეტი ტურნირის და Lexus-ის ელექტრიფიცირებული მოდელების შესახებ, ასევე მიიღეთ ინფორმაცია Lexus-ის და ATP Tour-ის შესახებ.
გაეცანით Lexus-ის მოღვაწეობას ოფიციალური საავტომობილო პარტნიორის რანგში 2024 წლის Nitto ATP ტურის ფინალურ ეტაპზე. იქნება ეს თითოეული "ბრეიქ-ფოინთის" გამორჩეული მომენტების ასახვა, თუ გულშემატკივართა სოფელში გამართული ღონისძიებები - ყოველივეს ჩვენი უახლესი პრეს-რელიზიდან შეიტყობთ.
