Lexus logo
SCROLL TO CONTINUE

LEXUS SAFETY SYSTEM+

გამოცადეთ აქტიური უსაფრთხოება ყოველი მგზავრობის დროს

ადამიანის მხედველობა განსაკუთრებულია, მაგრამ მას გარკვეული საზღვრები გააჩნია და პერსპექტივამ ის შეიძლება შეცდომაში შეიყვანოს. გაიგეთ, როგორ არის შექმნილი Lexus Safety System Plus, იმისთვის, რომ გააძლიეროს თქვენი გრძნობები, როდესაც საჭესთან იმყოფებით. ინტელექტუალური მხარდაჭერა მკაფიო აღქმის და დაჯერებული მართვისთვის.

გთხოვთ დაიცადოთ - იტვირთება გამოცდილება

აღქმა შეიძლება გაფანტული იყოს
ოპტიკური ეფექტებით

როდესაც პარალელური ხაზები მოხრილად შეიძლება მოგეჩვენოთ

მაგრამ ტრასაზე

Lexus-ი უზრუნველყოფს, რომ თქვენ დარჩეთ ზოლში.

ზოლიდან გადასვლის სიგნალი და ზოლში მგზავრობის დამხმარე სისტემა

დარჩით ტრასაზე

ძალიან კონცენტრირებულ მძღოლებსაც კი შეიძლება გაეფანტოთ ყურადღება. თუ ზოლიდან გადასვლას დაიწყებთ, ჩაირთვება ზოლიდან გადასვლის სიგნალი, რათა დარჩეთ ზოლში. საჭე მსუბუქად ვიბრირებს, ხმოვანი და ვიზუალური სიგნალები გირჩევენ დაბრუნდეთ თქვენს ზოლში. თქვენთვის უზრუნველყოფილია მშვიდი, თავდაჯერებული მართვა, განსაკუთრებით ტრასაზე და ხანგრძლივი მგზავრობის დროს.

გაიგეთ მეტი

კონტროლირებადი მიმართულება

ჭკვიანი კამერა აფიქსირებს ზოლის თეთრ და ყვითელ მარკირებას. თუ თქვენ ასცდებით კურსს, ავტომატურად ჩაირთვება აუდიო და ვიზუალური სიგნალი. ამასთან, თქვენი არჩევანის მიხედვით, Lane Keep Assist (ზოლში მგზავრობის დამხმარე სისტემა) უზრუნველყოფს საჭის მობრუნებას საპირისპირო მიმართულებით, რათა მშვიდად დაგაბრუნოთ ზოლში.

ეს ფხიზელი და ყურადღებიანი ფუნქციები მუშაობენ კომბინაციაში, რათა უზრუნველყონ მართვის კონცენტრაცია ხანგრძლივი პერიოდის განმავლობაში. მართვა უფრო ძალდაუტანებელია. ზოლიდან გადასვლის სიგნალი და ზოლში მგზავრობის დამხმარე სისტემა ყოველთვის უზრუნველყოფენ ორმაგ ხედვას.

უკან დაბრუნება

ღამით

ძლიერი შორი ნათების მაშუქებმა,

როგორც მოცეკვავე ლაქებმა ამ ილუზიაში,

შეიძლება თვალი მოჭრას სხვა მძღოლებს

Lexus-ი ავტომატურად ჩრდილავს ამ სიკაშკაშეს

ავტომატური შორი განათების და ადაპტაციური შორი განათების სისტემები

ინტელექტუალური
განათება

სიბნელეში ავტომობილის მართვა ერთ-ერთი უდიდესი სიამოვნებაა, მაგრამ ღამით მგზავრობას ახალი სირთულეები ახლავს. ჩვენი მახასიათებლები უზრუნველყოფს თქვენს მხარდაჭერას და იცავენ თქვენს და სხვა მძღოლების უსაფრთხოებას. ავტომატური შორი განათების ჩართვა-გამორთვა ავტომატურად ხდება, საჭიროების მიხედვით. ადაპტაციური შორი განათების სისტემის მეშვეობით განათება ახალ დონეზეა აყვანილი, ის ჭკვიანურად ჩრდილავს სინათლეს შემხვედრი ავტომობილების მიმართულებით, ხოლო მიმდებარე ადგილები კვლავაც სრულად განათებული რჩება.

გაიგეთ მეტი

თავდაჯერებულობა ღამით

ავტომატური შორი განათებისთვის გამოიყენება ჭკვიანი სენსორები, რათა შესაძლებელი იყოს სივრცის აღქმა, რამდენიმე ნაბიჯით წინ, ეძებს და ხედავს იმას, რასაც თქვენი თვალები უცებ ვერ შენიშნავენ. საქარე მინაზე არსებული კამერები სწრაფად აფიქსირებენ შემხვედრი ავტომობილების წინა სინათლეებს და თქვენს წინ მიმავალი ავტომობილების უკანა მაშუქებს და ინსტინქტურად გადართავენ შორ და ახლო განათებას.

ადაპტაციური შორი განათება ანათებს გზას და ამასთან, ჩრდილში ტოვებს სხვა ავტომობილებს. კამერა თვალს ადევნებს ავტომობილის მოძრაობას სიზუსტის უზრუნველსაყოფად. ორივე სისტემა თქვენი ბუნებრივი მხედველობის ოპტიმიზაციას ახდენს და უზრუნველყოფს, რომ სხვა მძღოლები არ დააბრმავოს სინათლემ. შეჯახების რისკი მცირდება. მზის ჩასვლის შემდეგ თქვენი თვალთახედვის მხარდაჭერა უზრუნველყოფილია.

უკან დაბრუნება

სრული ხილვადობა ყოველთვის შესაძლებელი არაა.

თქვენი ხედვის ხაზზე შეიძლება

ვერ გამოავლინოთ ფარული საფრთხე

ამგვარად, Lexus-ი ამ ადგილებს თქვენს ნაცვლად ადევნებს თვალს.

"ბრმა ზონის" მონიტორი

უფრო მკაფიო
ხედვა

ადამიანებს არ აქვთ სრული პერიფერიული მხედველობა, ამგვარად, "ბრმა ზონის" მონიტორი უზრუნველყოფს მხარდაჭერას. ზოლის შეცვლისას ის გაფრთხილებთ ავტომობილების მოახლოების შესახებ. შეინარჩუნეთ სიმშვიდე და თავდაჯერებულად გადადით სხვა ზოლში.

გაიგეთ მეტი

სხვა მძღოლების მოქმედების პროგნოზირება

ჭკვიან სენსორებზე მომუშავე "ბრმა ზონის" მონიტორი თვალს ადევნებს გზას თქვენს ნაცვლად და აფიქსირებს იმ ადგილებს, რომელთა დასანახადაც დიდი ძალისხმევა დაგჭირდებოდათ მათ გარეშე. ის თავად გეხმარებათ, როცა იცვლით ზოლს, იმის უზრუნველსაყოფად, რომ თქვენს ბრმა ზონაში არსებული ავტომობილები უყურადღებოდ არ დარჩეს.

ის ასევე გამოგადგებათ პარკირების დროსაც. უკანა გადამკვეთი მოძრაობის სამუხრუჭე სისტემა დაგეხმარებათ მანევრირებაში, გაცნობებთ რა ნებისმიერი ავტომობილის შესახებ, რომელიც მოძრაობს თქვენი მიმართულებით, რომელიმე მხრიდან. შეჯახების ალბათობის შემთხვევაში, ის მხარდაჭერას გაგიწევთ მუხრუჭების ამოქმედებით. უფრო მკაფიო და ფართო ხედვით, თქვენ ყოველთვის შეძლებთ ორიენტირებას.

უკან დაბრუნება

ჩვენი ხედვა განვითარდა იმდენად, რომ განსაზღვროს მანძილი,

თუმცა, მაინც შეიძლება მისი შეცდომაში შეყვანა.

ჰორიზონტის ორივე ხაზი

ერთნაირი სიგრძისაა.

Lexus-ი უზრუნველყოფს თქვენს მიერ მანძილის აღქმის მხარდაჭერას

თქვენს წინ მოძრაობასთან, თქვენი სიჩქარის ინტუიციურად ადაპტაციის გზით.

ადაპტაციური კრუიზ-კონტროლი და წინასაავარიო უსაფრთხოების სისტემა

დაჯერებულად
მართვა

ადამიანის მიერ გარემოს აღქმა კიდევ უფრო საიმედო ხდება ჭკვიანი მართვის სისტემის მხარდაჭერით. ადაპტაციური კრუიზ-კონტროლი განსაზღვრავს მანძილს თქვენს და თქვენს წინ მყოფ ავტომობილებს შორის და შესაბამისად არეგულირებს თქვენს სიჩქარეს, ხოლო წინასაავარიო სისტემა აფიქსირებს თქვენს წინ არსებულ ნებისმიერ სატრანსპორტო საშუალებას და დაბრკოლებას. ის გაგაფრთხილებთ, თუ არსებობს ავარიის რისკი და ავტომატურად ამუხრუჭებს, თუ თქვენ არ იმოქმედებთ. რისკების შემცირებით თქვენი მგზავრობა იქნება უფრო დაზღვეული.

გაიგეთ მეტი

რელაქსაცია ხანგრძლივი მოგზაურობების დროს

ადაპტაციური კრუიზ-კონტროლის და წინასაავარიო უსაფრთხოების სისტემა იყენებს მილიმეტრულ ტალღებზე მომუშავე რადარს, გზის შესაფასებლად. თქვენი სიჩქარე ოპტიმიზირებულია - ის კონტროლდება წინასწარ განსაზღვრულ დიაპაზონში, სხვა მძღოლებთან შესაბამისობის უზრუნველსაყოფად. თქვენ მიიღებთ გაფრთხილებას, თუ მოსალოდნელია ავარია და თუ დადგინდება, რომ კონტაქტის თავიდან აცილება შეუძლებელია, ავტომატურად ამოქმედდება თქვენი მუხრუჭები.

ადაპტაციური კრუიზ-კონტროლის და წინასაავარიო უსაფრთხოების სისტემით შეგიძლიათ დარწმუნებული იყოთ, რომ გზა განსაზღვრული იქნება თითოეულ მომენტში. შორ მანძილზე მგზავრობა ნაკლებად დამღლელი ხდება და უცებ დამუხრუჭების საჭიროებაც უფრო იშვიათია. ნაკლებად შეწუხდით და ისიამოვნეთ სულის სიმშვიდით ყოველი მოგზაურობის დროს.

უკან დაბრუნება

უსაფრთხოების მომავლის წარმოდგენა

გზა თქვენს წინ

პირველი Lexus LS-ი გამოვიდა 28 წლის წინ. მან განსაზღვრა ფუფუნება და დაიმსახურა მნიშვნელოვანი მოწონება მისი სამუშაო მაჩვენებლების, სირბილის, სიმშვიდის, ხარისხის და საიმედოობისთვის.

ახლა შეიქმნა სრულიად ახალი, 2018 წლის LS-ი კიდევ ერთი რევოლუციის მოსახდენად. Lexus Safety System+ მოწინავე, ახალი ტექნოლოგიით, მოიცავს მსოფლიოში პირველ ინტუიციურ სისტემას, რომელიც აფიქსირებს ქვეითთა გადაადგილებას. ჩვენი საფლაგმანო სალონი წარმოადგენს მძღოლის ინტელექტუალური დახმარების ახალ ეპოქას.

უსაფრთხოების ტექნოლოგიის მომავალი

ახალი LS-ი

ინტელექტუალური ინფორმირება

მოწინავე აქტიური უსაფრთხოების სისტემის წყალობით LS-ი უკეთ ერკვევა გარემოში და გთავაზობთ თქვენ, როგორც მძღოლს, ჭკვიან დახმარებას. ყველა მიმართულებით მოქმედი სენსორები, ავტომობილის გარშემო, სტერეო კამერების ჩათვლით, ახორციელებენ სიტუაციის მუდმივ მონიტორინგს, პარკირების მანევრებიდან ავარიების თავიდან აცილებამდე.

ამ ინფორმირებულობის წყალობით ხდება ფეხით მოსიარულეთა ინტუიციური დაფიქსირება, რომელიც მსოფლიოში პირველ, აქტიური მართვის სისტემასთან ერთად მუშაობს. თუ გზაზე დაფიქსირდება ფეხით მოსიარულის გადაადგილება ავტომობილის წინ და არსებობს შეჯახების საფრთხე, სისტემა ავტომატურად აამოქმედებს მუხრუჭებს და მიმართავს ავტომობილს ქვეითის გვერდის ავლის მიზნით ისე, რომ ის კვლავაც ზოლში დარჩეს. მძღოლის გაფრთხილება ხდება საქარე მინაზე საპროექციო გამოსახულების მეშვეობით, რომელიც, მისი 24 დუიმით, მსოფლიოში უდიდესია და მუდმივად მოგაწვდით ინფორმაციას გზაზე მოძრაობისას.

ახალი LS-ი

LEXUS CODRIVE

Lexus CoDrive-ი ასევე სთავაზობს მძღოლის მაღალი დონის მხარდაჭერას LS-ის მოდელებში, უზრუნველყოფს რა მართვის კონტროლს, "კითხულობს" რა თქვენი, როგორც მძღოლის განზრახვებს ინტელექტუალურად. აღნიშნულის შედეგად იღებთ მართვის მუდმივ დახმარებას საავტომობილო გზებზე და თავდაჯერებულობას, სტანდარტის სახით.

LS-ი წინ უძღვის პროგრესს, უფრო ჭკვიანური ტექნოლოგიისკენ, Lexus-ისთვის, რომელიც შექმნილია იმისათვის, რომ მუდმივი კონტროლი განახორციელოს და უზრუნველყოს თქვენი უსაფრთხოება.

თქვენი LEXUS-ი, თქვენი მახასიათებლები

უსაფრთხოება LEXUS-ის სამოდელო ხაზში

გაიგეთ მეტი

PLEASE INCREASE THE SIZE OF YOUR BROWSER WINDOW