მხატვრული ინსტალაციის “SPACE” მსოფლიო პრემიერა

• "SPACE" - ახალი, მხატვრული ინსტალაცია, რომელიც შთაგონებულია ახალი Lexus LS-ის კონცეფციით და გამოხატავს ბრენდის ხედვას სივრცეზე, კომფორტული ცხოვრების წესის კონტექსტში.
• მილანის დიზაინის კვირეულის პრეზენტაციაზე ასევე წარმოდგენილი იქნება კონკურსის "აღმოვაჩინოთ ერთად 2026"  (Discover Together 2026) ოთხი ახალი ნამუშევარი, რომელიც შექმნილია ახალბედა ავტორებისა და Lexus-ის დიზაინერების თანამშრომლობით.
• წლევანდელი თემა "აღმოაჩინე შენი სივრცე" (Discover Your Space), მხატვრული ნამუშევრების საშუალებით, უჩვეულო გზით იკვლევს პირად, კერძო სივრცეს, რომლებიც Lexus LS-ის კონცეფციის მოტივს იზიარებენ.
• გამოფენა გაიმართება 21-დან 26 აპრილის ჩათვლით, მილანის საგამოფენო დარბაზში Superstudio Più.

2026 წლის მილანის დიზაინის კვირეულზე Lexus წარმოადგენს მხატვრულ ინსტალაციას"SPACE“, რომელიც შთაგონებულია მისი საფლაგმანო ავტომობილის Lexus LS-ის კონცეფციით.

„SPACE“ წარმოდგენილი იქნება საერთაშორისო დიზაინის მოწინავე გამოფენაზე, რომელიც იტალიაში, ქალაქ მილანში, 21-დან 26 აპრილამდე გაიმართება. ის გამოიფინება Discover Together 2026-ის ოთხ ახალ ნამუშევართან ერთად, რომელიც ახალბედა ავტორებისა და Lexus-ის დიზაინერთა თანამშრომლობის ნაყოფია. გამოფენა მოეწყობა ქალაქის ცენტრში, ტორტონას შემოქმედთა რაიონში მდებარე სტუდიაში Superstudio Più. 

"SPACE" და მობილობის ახალი ერა

ბრენდის დაარსების დღიდან, Lexus-მა ჩამოაყალიბა საკუთარი კურსი, რომლითაც უპირისპირდება ტრადიციებს და კომფორტული მობილობის პრინციპებს ხელახლა განსაზღვრავს. ინოვაციური აზროვნებით, ის აგრძელებს თავისი შესაძლებლობების საზღვრების გაფართოებას უკეთესი პროდუქტებისა და მომსახურებისთვის, რითაც თავის მომხმარებლებს ახალ გამოცდილებას სთავაზობს.

"SPACE" ყალიბდება Lexus-ის მუდმივი სწრაფვით გადააჭარბოს მოლოდინებს და ყურადღებას ამახვილებს Lexus LS-ის კონცეფციაზე, რომელიც სწავლობს "სივრცის" მნიშვნელობას თანამედროვე კომფორტული ცხოვრების წესის კონტექსტში.

დღეს საავტომობილო ინდუსტრია ავტომობილის ტრადიციული კონცეფციიდან მობილობისა და მომავლის ახალ ეპოქაში გადადის, რომელიც უზრუნველყოფს უფრო თავისუფალ გადაადგილებას და კომფორტული ცხოვრების წესს. სამსახური, პირადი ცხოვრება და მოძრაობა სულ უფრო და უფრო შეუფერხებლად ხდება ურთიერთდაკავშირებული, რაც ადამიანებს საშუალებას აძლევს, უფრო ჰარმონიული და სრულყოფილი ცხოვრების წესით იცხოვრონ. ასეთი ტიპის მომავალში მობილობა მარტივი ტრანსპორტიდან გარდაიქმნება ახალ გამოცდილებად, რომელიც სივრცესაც ხელახლა გადაიაზრებს. "SPACE" - ეს არის შესაძლებლობა აღმოაჩინოთ მობილობის ახალი ხედვა, რომელიც ჯერ კიდევ არ არის განსაზღვრული.

"აღმოვაჩინოთ ერთად" (Discover Together)

2025 წელს დაწყებული პროექტი "აღმოვაჩინოთ ერთად" იმ დამწყებ შემოქმედთა გამაერთიანებელი ინიციატივაა, ვინც Lexus-ის ფასეულობებს იზიარებს. ისინი ბრენდის ხედვას და ფილოსოფიას საკუთარი შეხედულებისამებრ გარდაქმნიან ისეთ ნამუშევრებად, რომლებიც ახალ ღირებულებებს გამოხატავს. Lexus LS-ის კონცეფციის,  როგორც საერთო მოტივის ფარგლებში, მათ ითანამშრომლეს Lexus-თან, რათა შეექმნათ მხატვრული, ექსპერიმენტული ნამუშევრები, რომლებიც სივრცის შესაძლებლობებს იკვლევს. ეს ნიმუშები 2026 წლის მილანის დიზაინის კვირეულზეც იქნება წარმოდგენილი.

წელს კვირეულში მონაწილეობენ: კიოტარო ჰაიაში და იუმი კუროტანი (იაპონია), Guardini Ciuffreda Studio (იტალია), Random Studio (ნიდერლანდები) და თანაშემოქმედებითი გუნდი, რომელიც Lexus-ის დიზაინერებსა და იაპონელ ოსტატებს აერთიანებს.

ოფიციალური ვებგვერდი: https://discoverlexus.com/stories/discover-together

ინფორმაცია გამოფენაზე

Discover Together-ის ავტორთა პროფილები

კიოტარო ჰაიაში და იუმი კუროტანი

კინორეჟისორ კიოტარო ჰაიაშის და არტ-დირექტორის იუმი კუროტანის შემოქმედებითი დუეტი იკვლევს სინათლეს და ხმას, სივრცესა და გამოსახულებას, ასევე მასალების გამორჩეულ სტრუქტურებს. ამ მრავალფეროვანი ელემენტების ჰარმონიული შერწყმით, ცდილობენ შექმნან ისეთი განწყობა, რომელიც სილამაზესა და მგრძნობელობაზე იქნება კონცენტრირებული.

კიოტარო ჰაიაში კინორეჟისორი და ფოტოგრაფია, რომელმაც ტამას ხელოვნების უნივერსიტეტი დაამთავრა და მოღვაწეობა კომპანიაში Drawing and manual დაიწყო. მისმა ნამუშევრებმა იაპონიისა და საერთაშორისო დონეზე არაერთი ჯილდო დაიმსახურეს, მათ შორის ვენეციის ბიენალეზე სპეციალური პრიზი და iF design award-ის ოქროს ჯილდო. ამჟამად იგი ტამას ხელოვნების უნივერსიტეტში ლექტორად, ნახევარ განაკვეთზე მუშაობს. იუმი კუროტანი კი არტ-დირექტორი, ფოტოგრაფი და მხატვარ-კერამიკოსია. მან დაამთავრა ტამას ხელოვნების უნივერსიტეტის ეკოლოგიური დიზაინის ფაკულტეტი, ასევე სწავლობდა ფინეთში, აალტოს უნივერსიტეტში, სადაც სკანდინავიური დიზაინის ფილოსოფიას გაეცნო. მას შემდეგ, რაც ახალბედა კურსდამთავრებული Shiseido-ს შემოქმედებით ჯგუფს შეუერთდა, 2023 წლიდან იგი დამოუკიდებელ პრაქტიკასაც შეუდგა. მისმა ნამუშევრებმა მიიღო მრავალი ჯილდო, მათ შორის Japan Spatial Design Awards-ის ოქროს ტიტული, “ FRAME Awards 2020-ის საფინალო ეტაპზე გასვლა, წლის ვიტრინის გრან-პრი და ACC-ის ოქროს ჯილდო.

მათი ერთობლივი ნამუშევრები სინათლეს გარდაქმნის ისეთ ენად, რომელიც აღვიძებს ემოციებს, ხოლო სივრცითი ფენები ადამიანის მეხსიერებასთან მოსაუბრე ნარატივებად იქცევა. ეს ნამუშევრები მხოლოდ მშვიდი დაკვირვების ობიექტებად აღქმის ნაცვლად, ჩაფიქრებულია როგორც იმერსიული ინსტალაციები, რომლებიც სტუმრების გრძნობების გამახვილებასა და ღრმა შთაბეჭდილების მიღებას ემსახურება. კარგად გააზრებული დიზაინისა და ინტუიციური ესთეტიკის შერწყმით, ისინი აგრძელებენ ისეთი ატმოსფეროს შექმნას, რომელიც საოცარ განცდას და დაუვიწყარ შთაბეჭდილებას ტოვებს.

https://www.kyotaro.org

https://www.yumikurotani.com