სრულიად ახალი Lexus LM

Lexus LM ჩვენი სრულიად ახალი საფლაგმანო ავტომობილია, რითაც ის ბაზრის ახალ სეგმენტად გვევლინება - ზე-კომფორტული, მძღოლზე-ორიენტირებული ავტომობილების სახით.

                                                                                                             

Lexus-ის Takumi ოსტატობა

აქ თქვენ შეგიძლიათ გაიგოთ ჩვენი Takumi ოსტატების ელიტური გუნდის შესახებ, რომელიც ქმნის თქვენს ლუქს კლასის Lexus LM-ს, რათა ავტომობილი სხვა მინივენებს შორის გამორჩეული იყოს როგორც იერით, ისე ფუნქციონალობით.

 

ოთხადგილიანი ავტომობილი მძღოლის მომსახურებით

ოთხადგილიან LM-ს ავანგარდული სასტუმრო ოთახის კომფორტი და მობილური ოფისის პრაქტიკულობა დაჰყვება. ხელით შეკერილი ტყავის სავარძლები აღჭურვილია მართვის სენსორული პანელიანი მკლავის დასადებებით და რელიეფური თავსადებებით. გაგრილების ჭკვიანი ტექნოლოგიით აღჭურვილ უკანა სავარძლებს გააჩნიათ საკითხავი სანათები და დასაკეცი მაგიდები. სავარძლები გათბობით და ვენტილაციით ასევე ხელმისაწვდომია წინა და შუა რიგებში, ხოლო კარსა და ფანჯრებზე მზისგან დამცავები კომფორტს და პრივატულ სივრცეს უფრო მეტად უწყობს ხელს. თქვენს მძღოლს შეუძლია ისარგებლოს მართვის ზედა პანელით, რათა აკონტროლოს სრიალა კარი, საბარგული და სტუმრებსაც გამორჩეულად დახვდეს.

უმაღლესი კლასის სრულად გადასაწევი სავარძლები

ექსკლუზიური, ოთხადგილიანი კონფიგურაცია იდეალურად შეესაბამება ბიზნესმენის საჭიროებებს. სალონის უკანა ნაწილში განლაგებულია ორი პირველი კლასის სავარძელი მაღალი ზურგით და ერგონომიული ფორმით, რითაც იქმნება საუცხოო კომფორტი. სავარძლები მთლიანად იწევა ჰორიზონტალურ მდგომარეობაში, ხოლო ბალიშები და სავარძლების საზურგეები აღჭურვილია ინტეგრირებული საჰაერო კამერებით თეძოების, ზურგის და მხრების მასაჟისთვის, ელექტრული "Ottoman"-ის ფეხის დასადები კი წვივის საყრდენის ფუნქციას ასრულებს. ამასთან, კლიმატ-კონსიერჟი მეთვალყურეობს თქვენი სხეულის ტემპერატურას, რათა აკონტროლოს მიკროკლიმატი. ვენტილირებადი სავარძლები ისრუტავს გაგრილებულ ჰაერს სალონიდან, სავარძლების ზედაპირის მეშვეობით, რითაც იკლებს სითბო და ტენიანობა. უკანა "Ottoman"-ის ელექტრული სავარძელი უზრუნველყოფს წვივების საიმედო საყრდენს და ამგვარად, მგზავრს საშუალება ეძლევა თბილად და კომფორტულად იმგზავროს.

გამაგრილებელი სასმელები, ჟურნალები, NETFLIX

ხელბარგის ქვედა განყოფილებების, სავარძლების მკლავის დასადების, დასაკეცი მაგიდების და სხვადასხვა ნივთის შესანახი განყოფილების წყალობით, ყველა მგზავრის საჭიროებანი დაკმაყოფილებულია. თქვენს გართობაზე კი იზრუნებს მაღალი რეზოლუციის მქონე განიერი ეკრანი, ხოლო თუ გსურთ მოეშვათ ან რაიმე მოვლენა აღნიშნოთ, წარმოდგენილია 14 ლ მოცულობის მაცივარი, სადაც ჩაციებული სასმელები გელოდებათ.

ძლიერი პლატფორმა

                                                                                ახალი LM 350h შექმნილია ჩვენს პლატფორმაზე GA-K, რის წყალობითაც გაზრდილია თვლების ბაზა, ხოლო სიმტკიცის გაზრდის მიზნით, პლატფორმა ასევე მოიცავს კონსტრუქციის დამატებით განივ ღერძებს და სამაგრებს. ამ დამატებითი გაძლიერების წყალობით, Lexus-ის ინჟინრებს საშუალება მიეცათ, უფრო ზუსტად დაერეგულირებინათ დაკიდების სისტემა, რითაც გაუმჯობესდა როგორც სამუშაო მაჩვენებლები, ისე კომფორტი. უფრო განიერი დისკები და თვლებს შორის გაზრდილი დაშორება კი უფრო მტკიცე დგომს და მოჭიდებას უზრუნველყოფს .

მე-4 თაობის თვითდამუხტვადი ჰიბრიდი

თვითდამუხტვადი ჰიბრიდით Lexus LM 350h მუდამ კომფორტულად და თავდაჯერებულად იმგზავრებთ. 2.5 ლიტრიანი ბენზინის ძრავით და ელექტროძრავით აღჭურვილი ავტომობილი ავითარებს 250 DIN ც.ძ. სიმძლავრეს ან 184 კვტ-ს. შედეგად ვიღებთ აჩქარებას 0-დან 100 კმ/სთ-მდე სულ რაღაც 8.7 წამში, ასევე საოცარ ეკონომიურობას. იმის გათვალისწინებით, რომ სისტემა იმუხტება ავტომობილის მოძრაობისას ან დამუხრუჭებისას, ნებისმიერ მანძილზე აუღელვებლად იმგზავრებთ.

2.5 ლ ბენზინის ძრავა / ჰიბრიდული ხიდი

                                                                                     LM 350h-ის სრულიად ახალი ბენზინის 2.5 ლიტრიანი ძრავა გაცილებით სჯობს თავის წინამორბედს და ის აღწევს თერმული მარგი ქმედების კოეფიციენტის მსოფლიო დონის მაჩვენებელს - 41%-ს. რბილი და დამყოლი მართვისთვის, წინა ელექტროძრავა, გენერატორი და სიმძლავრის გამანაწილებელი მექანიზმი გაერთიანებულია ერთ ჰიბრიდულ გადაცემათა კოლოფში. ამავდროულად, ის საოცრად კომპაქტურია, რასაც განაპირობებს ძრავის/გენერატორის მრავალღერძული განლაგება. შედეგად ვიღებთ თავის კლასში საუკეთესო ეკონომიურობას და ჩუმი მუშაობის უნარს.

მესამე თაობის უსაფრთხოების სისტემა LEXUS SAFETY SYETM +

სრულიად ახალი LM აღჭურვილია აქტიური უსაფრთხოების მოწინავე და მძღოლის დამხმარე სისტემებით, რომლებიც წარმოდგენილია უახლესი მე-3 თაობის უსაფრთხოების სისტემაში Lexus Safety System +. განახლებული და დამატებითი ფუნქციებით ის უზრუნველყოფს უსაფრთხოების გაზრდილ დონეს. ეს მოიცავს: პროაქტიულ მართვის დამხმარე სისტემას და ახალ მონიტორს მძღოლისთვის, რომელიც აკონტროლებს მძღოლის დაღლის ან ყურადღების გაფანტვის ნიშნებს.

გაუმჯობესებული შეჯახების პრევენციის სისტემა

დღის საათებში მოტოციკლების აღმოჩენასთან ერთად, დახვეწილია Lexus-ის შეჯახების პრევენციის სისტემა, რაც საშუალებას იძლევა აღიკვეთოს პოტენციური შეჯახების მრავალი შემთხვევა, მაგალითად, მარცხნივ/მარჯვნივ მოხვევის დროს და საცობის გარღვევის მცდელობისას. სისტემას ასევე შეუძლია ამოიცნოს შემხვედრ სატრანსპორტო საშუალებებთან შეჯახების რისკი გზაჯვარედინზე მოხვევისას. შეჯახების არიდების უნარი გაძლიერებულია საავარიო სიტუაციიისას საჭის მართვის სისტემით.

კრუიზ-კონტროლი დინამიკური რადარით                                                                                                  ეს სისტემა იყენებს მილიმეტრული დიაპაზონის მქონე რადარის სენსორს და კამერას, რათა აღმოაჩინოს წინ მიმავალი ავტომობილი და შეინარჩუნოს სათანადო დისტანცია. თუ წინ მიმავალი სატრანსპორტო საშუალება ჩერდება, ავტომატურად ჩერდება LM-ც. მას შემდეგ, რაც წინა ავტომობილი განაახლებს მოძრაობას, თქვენი LM-ც განაგრძობს სვლას. ეს სისტემა სწრაფად ამოიცნობს წინ გადამკვეთ მოძრაობას და ზოლში მოძრაობის დამხმარე სისტემასთან ერთად უფრო ნეიტრალურ ზოლს აირჩევს. დინამიკური რადარიანი კრუიზ-კონტროლი ასევე აგარიდებთ შედარებით ნელა მოძრავ ავტომობილს სხვა ზოლში გადასვლით.

*გაუმჯობესებული ზოლში მოძრაობის დამხმარე სისტემა ზრუნავს, რომ ავტომობილმა ზოლის ცენტრში იმოძრაოს, იყენებს რა "ბუნებრივი ზოლის კვალის" ფუნქციებს და მძღოლს ეხმარება მოხვევის დროს.

Lexus-ის თამამი დიზაინი

                                                                                   წინიდან აღსანიშნავია Lexus-ის საფირმო ცხაური და უფრო მახვილი სამმაგი შუქდიოდური მაშუქები, რომელიც LM 350h-ის მომხიბვლელ იერს უსვამს ხაზს. გვერდებზე მუქი სვეტები გამოჰკვეთს ფანჯრებს, სივრცეს და მოლივლივე ხაზებს. დამატებით დინამიზმს ქმნის LM-ის გრძელი თვლების ბაზა და გამოჭედილი 19" დისკები. უკანა მხარეს განლაგებულია ერთხაზოვანი შუქდიოდური მაშუქი და Lexus-ის ახალი ემბლემა, რომელიც გზებზე ავტომობილის ფუტურისტულ სტილს გამოჰყოფს. ექსტერიერის ფერები - თეთრი, ტიტანისფერი, გრაფიტისფერი შავი და აქატისფერი ავტომობილს კიდევ უფრო ელეგანტურად წარმოაჩენს. ხელმისაწვდომია მარცხენა და მარჯვენა შუშის სახურავი, რომლის მეშვეობითაც უკანა სავარძლებზე თავისუფალი სივრცის აღქმა ძლიერდება.

ახალი შპინდელური ძარა / Lexus-ის საფირმო ცხაური

ექსტერიერის დიზაინში უმნიშვნელოვანესი იყო მინივენის სეგმენტში Lexus-ის შემდეგი თაობის დიზაინის ელემენტების შემოტანა. ჩვენმა დიზაინერებმა მიზნად დაისახეს ახალ LM-ში Lexus-ის დიზაინის "შპინდელური ძარის" კონცეფციისთვის შეესხათ ხორცი. ამის შედეგად მოხდა ცხაურის უკეთესი ინტეგრაცია, რომელიც ელექტრიფიცირებულ სიმძლავრეს განასახიერებს, ასევე მივიღეთ უფრო დაბალი სიმძიმის ცენტრი, რაც ავტომობილს სტაბილურობას და თავდაჯერებული იერს ანიჭებს.

სამმაგი შუქდიოდური განათება / Lexus-ის საფირმო უკანა მაშუქი

უფრო დახვეწილი, მახვილი და ჰორიზონტალური შუქდიოდური წინა მაშუქები გამორჩეულია თავისი მარტივი დიზანით. ზედა / ქვედა ისრის ფორმის საფირმო მაშუქები Lexus-ის ბრენდის ინდივიდუალობას გამოჰკვეთს, ხოლო დღის განათება სინათლის ლამაზ გადასვლებს ქმნის. უკანა კომბინირებული მაშუქები შედგება დამატებითი სანათისგან, რომელიც L-ფორმის სანათის ზემოთაა განლაგებული და შესანიშნავ ხილვადობას და ავტომობილის კლასის წარმოჩენას უზრუნველყოფს.

განიერი 10" საპროექციო გამოსახულება საქარე მინაზე (HUD)

LM 350h-ის (შვიდადგილიანი) მართვის მონაცემები პირდაპირ საქარე მინაზე აისახება ფერადი გამოსახულებით. ეს 10" საპროექციო გამოსახულება საქარე მინაზე შესაძლებლობას გაძლევთ შეამოწმოთ ნავიგაცია, უსაფრთხოების პარამეტრები, ინფორმაცია და აუდიო პარამეტრები ისე, რომ გზას თვალი არ მოაშოროთ. მისი გამოყენება მარტივია საჭეზე განლაგებული სენსორული გადამრთველების წყალობით.

MARK LEVINSON®-ის აუდიო სისტემა 23 დინამიკით (4 ადგილიანი)

LM 350h-ის თითქმის ჩუმი, ოთხადგილიანი სალონი უზრუნველყოფს იდეალურ პირობებს შეკვეთით დამზადებულ, 23 დინამიკიან Mark Levinson®-ის პრემიალურ აუდიო სისტემის ფუნქციონირებისთვის. სტანდარტული და მაღალი კლასის კომპლექტაციისთვის, ის შემუშავებულია ჩვენი ერთგული აუდიო-პარტნიორის მიერ. ეს ექსკლუზიური სისტემა ოპტიმიზებულია ავტომობილის შიდა არქიტექტურის შესაბამისად. სისტემა გთავაზობთ 7.1 არხიანი სახლის კინოთეატრის გამოცდილებას და მოიცავს 3D Mark Levinson® Surround და Quantum Logic Immerson სისტემებs, ხოლო Clarifi ტექნოლოგია აანალიზებს შეკუმშული ხმის წყაროს და ავსებს დაკარგულ მონაცემებს განსაკუთრებული ხარისხის აკუსტიკის მისაღებად. კიდევ უფრო კარგი ჟღერადობის მისაღწევად დინამიკები განლაგებულია განიერ ჭერზე, რითაც სამგზანომილებიანი ჟღერადობა წარმოიქმნება. ტიხრიანი დინამიკები 48" ეკრანის ზემოთ ისეა განლაგებული, რომ ყურებს უთანაბრდებოდეს, ხოლო თავისი მძლავრი და მრავალფეროვანი ჟღერადობით ორიგინალური მუსიკის ატმოსფეროს ქმნიდნენ. და ბოლოს, Blu-ray წამკითხველი, რომელიც ინტეგრირებულია ტიხრის ქვედა მარცხენა მხარეს, მუშაობს Blu-ray, DVD და CD დისკებზე.

უსადენო დამტენი

                                                                                თქვენ შეგიძლიათ დამუხტოთ სმარტფონი ან სხვა ელექტრული მოწყობილობა ინდუქციური უსადენო დამტენის მეშვეობით. ის მოხერხებულად არის განლაგებული ცენტრალურ კონსოლზე, ხოლო დამუხტვა 50%-ით უფრო სწრაფად ხდება. იმისთვის, რომ თქვენი მოწყობილობები დამუხტული და დაკავშირებული იყოს, LM-ს გააჩნია რვამდე USB პორტი. Android Auto®-ს ან უსადენო Apple CarPlay®-ით ახალი LM საშუალებას გაძლევთ უკანა 14"-იან ან 14"/48"-იან სენსორულ ეკრანებზე თქვენი სმარტფონის არაერთი აპლიკაციით მარტივად ისარგებლოთ.