NX

წარმოგიდგენთ ახალ, მრავალსენსორულ გამოცდილებას თქვენი მგზავრობისთვის. NX ახლა ერთმანეთთან სინქრონიზებულად აკავშირებს არომატს, განათებას, მუსიკას, კლიმატ-კონტროლსა და სავარძლების ტემპერატურას, რათა თქვენს განწყობას იდეალურად მოერგოს.

გარედან შემომავალი ხმაური მნიშვნელოვნად არის შემცირებული. შესაბამისად, იქნება ეს ქალაქის ქუჩებში გადაადგილება თუ ავტომაგისტრალზე მგზავრობა, თქვენ და თქვენს მგზავრებს უფრო მშვიდი და კომფორტული მგზავრობა გელით.

საპროექციო გამოსახულება საქარე მინაზე ინფორმაციის და ხელსაწყოთა პანელზე განთავსებული „დამალული ღილაკები“ მძღოლზე ორიენტირებულ სივრცეს ქმნის, სადაც ყველა მნიშვნელოვანი ინფორმაცია ხედვის არეში რჩება, რათა მართვისას ყურადღება არ გაგეფანტოთ.

რადარი და კამერები აკვირდებიან გზას წინ და გეხმარებიან ავტომობილების, ქვეითებისა და ველოსიპედისტების დროულად აღმოჩენაში, განსაკუთრებით ქალაქში გადატვირთული მოძრაობისა და არაპროგნოზირებადი საგზაო პირობების დროს. პოტენციური საფრთხის გამოვლენის შემთხვევაში, სისტემა გაფრთხილებთ ვიზუალური და ხმოვანი სიგნალებით და საჭიროების შემთხვევაში მუხრუჭებსაც ააქტიურებს, რათა შეჯახების რისკი შეამციროს ან თავიდან აიცილოს.

ხანგრძლივი მგზავრობისას დაღლილობის შესამცირებლად შექმნილი DRCC სისტემა თქვენს მიერ არჩეულ სიჩქარეს ინარჩუნებს და ავტომატურად არეგულირებს დისტანციას წინ მიმავალ ავტომობილთან. ინტენსიური მოძრაობის დროს ის ხელს უწყობს აჩქარებისა და დამუხრუჭების უფრო რბილად მართვას და შეუძლია უფრო ადრე რეაგირება, როდესაც მოძრაობა ნელდება ან სხვა ავტომობილი თქვენს ზოლში გადმოდის, რაც ავტომაგისტრალებსა და დატვირთულ გზებზე უფრო მშვიდ და კონტროლირებად მგზავრობას უზრუნველყოფს.

ავტომაგისტრალებსა და ჩქაროსნულ გზებზე LCA სისტემა ზოლის შეცვლას უფრო უსაფრთხოსა და თავდაჯერებულს ხდის. მიმართულების მაჩვენებლის ჩართვისთანავე, თუ გზის პირობები უსაფრთხოა, სისტემა რეაგირებს და გეხმარებათ მანევრის განხორციელებაში. ის წინასწარ აანალიზებს საგზაო მოძრაობას და უზრუნველყოფს უფრო მშვიდ, უსაფრთხო მანევრირებას, განსაკუთრებით სწრაფ ზოლში გადასვლისას თუ მჭიდრო ნაკადში მოძრაობისას.