Lexus GX-ის მსოფლიო პრემიერა

ცხაური შექმნილია საგანგებოდ GX-ისთვის, გააჩნია ჯვარედინად განლაგებული ბადე და უერთდება ძარისფერ ბამპერს. ცხაურის ფორმა გადმოსცემს ხაზებს, რაც ქმნის დამახასიათებელ მძლავრ "შპინდელურ" ფორმას. ცხაური და წინა მაშუქები განლაგებულია რაც შეიძლება ზემოთ, რათა არათანაბარ გზაზე არ მოხდეს დაბრკოლებებთან შეჯახება. ასევე, ეფექტური მუშაობის უზრუნველსაყოფად, რადიატორის გაგრილების არხები მოთავსებულია შედარებით მაღლა.

ავტომობილს უკანა მხარეს გასდევს Lexus-ის L ფორმის მაშუქი, რითაც GX-ის აღმოჩენა მარტივი ხდება უგზოობაში მოძრაობისას, სხვა ტრანსპორტთან ერთად. 

Overtrail - ეს არის ახალი ჰალო მოდელი, რომელშიც ყურადღება მახვილდება GX-ის როგორც ნამდვილი და მაღალეფექტური ყველგანმავალის მახასიათებლებზე. სტილის, აღჭურვილობის და ტექნოლოგიური თავისებურებების კუთხით, ის მაქსიმალურად ზრდის ავტომობილის პოტენციალს რთულ რელიეფზე და კმაყოფილებას ანიჭებს იმ მომხმარებლებს, ვისაც უყვარს სათავგადასავლო ცხოვრების სტილი. 

ავტომობილი გამოიყურება შთამბეჭდავად მისი გამორჩეული 18-დუიმიანი დისკებისა და 20 მმ-იანი ფართო პროტექტორის, საბურავის თაღის შავი ფერის სხმულის, ქვედა გვერდითი სხმულებისა და ალუმინის ქვედა დამცავის წყალობით. ეს არა მხოლოდ სადემონსტრაციოდაა, ამით მძღოლს ეძლევა თავდაჯერებულობა რთული რელიეფის გადასალახად, რაშიც მას ასევე ეხმარება ყველგანმავალის ახალი საბურავები - შექმნილი Lexus-ის საბურავების მომწოდებლებთან თანამშრომლობის შედეგად. 

Overtrail მოდელის შეკვეთა შესაძლებელია ბამპერის დამატებითი აწეული კუთხეებით, რაც მძღოლს უმარტივებს აირიდოს გზებზე შემხვედრი დაბრკოლებები. დაკიდების სისტემის ელექტრო-კინეტიკური დინამიკური სისტემა (E-KDSS) პირველად წარმოდგენილი Lexus-ის მოდელზე, უზრუნველყოფს დამატებით მხარდაჭერას არათანაბარ გზებზე თვლების უფრო ძლიერი არტიკულაციის წყალობით. ეს ასევე უზრუნველყოფს უფრო სტაბილურ ფუნქციონირებას გზებზე მოძრაობისას ძარის განივი დახრილობის განეიტრალებით. 

ავტომობილის წინა ნაწილში განლაგებულია დამოუკიდებელი ცენტრალური კონსტრუქცია, რაც გამიზნულია აქსესუარებისთვის. არსებობს დამატებითი აქსესუარების ფართო არჩევანი, რაც შეიძლება დამატებულ იქნას GX-ზე, შესაბამისად, მფლობელებს ეძლევათ საშუალება მოახდინონ ავტომობილის პერსონალიზება და აღჭურვონ ის სხვადასხვა აქტივობისთვის. 

ეს არის უახლესი მოდელი, რომელშიც გამოიყენება Lexus-ის Tazuna-ს კონცეფცია სალონისთვის, სადაც ყველა ძირითადი მართვის ელემენტი და ინფორმაციის წყარო განლაგებულია ისე, რომ მათი გამოყენება ხელის ან თვალის მარტივი მოძრაობით იყოს შესაძლებელი. სიტყვა "Tazuna" იაპონურ ენაში სწორედ მხედრის მიერ აღვირის ოდნავი მოძრაობით ცხენის კონტროლს აღნიშნავს. 

ჰორიზონტალური ხელსაწყოთა პანელი და ქვედა სარტყლის ხაზი უზრუნველყოფს კარგ ხედს ირგვლივ, ამიტომ მძღოლი ყოველთვის კარგად აღიქვამს ავტომობილის პოზიციას გზაზე, ნებისმიერ დროს. თვალში საცემი 14 დუიმიანი სენსორული მონიტორი უზრუნველყოფს მკაფიო და მარტივ წვდომას მულტიმედიურ ფუნქციებზე. 

განსაკუთრებული ყურადღება დაეთმო მძღოლის სავარძელს, მის დიზაინს, რომელიც უზრუნველყოფს წელისა და მენჯის უკეთეს პოზიციას. სავარძლის ბალიში ისეა შექმნილია, რომ ხერხემლისა და თავის სტაბილური პოზიცია მეტად შეინარჩუნოს და მოგზაურობაც ნაკლებ დამღლელი იყოს.