ისიამოვნეთ თანამედროვე კროსოვერის მოხერხებული სავარძლებით და შესანიშნავი ხედვის არით. დაბალი სიმძიმის ცენტრი და მყარი პლატფორმა UX-ს ზუსტი და დინამიკური მანევრირების უნარს ანიჭებს, რაც უჩვეულოა კროსოვერისთვის. მანევრირებას კიდევ უფრო აუმჯობესებს უნიკალური აეროდინამიკური მახასიათებლების მქონე სტაბილიზატორები, რომლებიც აკურატულად არის კომბინირებული საბურავების თაღების და უკანა მაშუქების დიზაინთან, რაც უზრუნველყოფს სტაბილურობას მაღალ სიჩქარეზე და გვერდითი ქარის დროს.

UX-ი გთავაზობთ ორი ტიპის ძალოვანი აგრეგატის არჩევანს. მათ შორის, შეგიძლიათ აირჩიოთ ახალი თაობის თვითდამუხტვადი ჰიბრიდი, რომელიც გამოირჩევა ეკონომიურობით თავისი კლასის ავტომობილებს შორის და გთავაზობთ უკიდურესად სტაბილურ და დინამიკურ სამუშაო მაჩვენებლებს. ასევე, შეგიძლიათ აირჩიოთ ბენზინის ძრავა, რომელიც მოხერხებულობასთან და სიმძლავრესთან ერთად, გთავაზობთ საწვავის მაღალი დონის ეკონომიურობას.

პანორამული ხედვის მონიტორი ოთხი ვიდეოკამერიდან მიღებულ გამოსახულებას აერთიანებს ერთ, 360°-იან პანორამულ გამოსახულებაში, რომელიც საშუალებას გაძლევთ უპრეცედენტო, 10.3 დიუიმიანი მონიტორის მეშვეობით დააკვირდეთ თქვენი ავტომობილის გარშემო არსებულ სივრცეს. უკვე აღარ არის საჭირო, იზრუნოთ მოუხერხებელ სადენებზე, რადგან Qi-ტექნოლოგიასთან თავსებადი უსადენო დამტენი საშუალებას გაძლევთ დამუხტოთ თქვენი მოწყობილობა (მაგალითად სმარტფონი) უბრალოდ ამ დამტენზე მოთავსებით.

ახალი უსაფრთხოების სისტემა „Lexus Safety System +“, რომლითაც აღჭურვილია UX-ი, წარმოადგენს ყოვლისმომცველ უსაფრთხოების პაკეტს, რომელიც, ასევე მოიცავს ქვეითებისა და ველოსიპედისტების აღმოჩენის სისტემასაც.

UX-ის სალონის მდიდრული და უნიკალური ინტერიერის შესაქმნელად, ჩვენმა Takumi ოსტატებმა გამოიყენეს უმაღლესი ხარისხის მასალები. გლუვი ტყავის სავარძლების დასამზადებლად გამოყენებულია თანამედროვე ხელოვნებისთვის დამახასიათებელი პერფორირებული ფაქტურა და ტრადიციული იაპონური კერვის ტექნიკა „საშიკო“.